„HEALthyME – Ментално Благосостојба на Младите во Училиштата во Македонија“

Проектот HEALthyME – Ментално Благосостојба на Младите во Училиштата во Македонија има за цел да го подобри менталното здравје на учениците и наставниците во основните училишта преку воведување на мајнфулнес практики и други техники за самосвест. Проектот е дизајниран да помогне младите да развијат вештини за емоционална регулација, да ги подобрат нивните комуникациски вештини и да научат како да се справуваат со стресот и предизвиците во секојдневниот живот.

На 30-ти септември 2024 година, одржавме неверојатна сесија во ОУ „Круме Кепески“ со 24 прекрасни деца на возраст од 10 до 13 години. Децата беа полни со енергија и со радост се вклучија во активностите. Сесијата ја започнав со приказната „Ефект на бранови“, која им го покажа значењето на добрината – како мал чин на добрина може да создаде огромен позитивен ефект.

Децата многу сакаа да соработуваат и навистина уживаа во игрите. Потоа имавме игра со конец, каде што покажавме дека сите сме поврзани и нашите мисли и дела имаат влијание едни на други. Играта беше прекрасно искуство за сите – децата буквално го почувствуваа значењето на заедништвото.

Потоа, ги охрабрив децата да се изразат преку рефлективно цртање. Секој од нив напиша една добра мисла и потоа си ги разменија мислите со своите другарчиња, читајќи ги на глас. Беше навистина инспиративно да се слушнат нивните зборови полни со добрина и позитивност.

Сесијата ја завршивме со внимателно дишење, каде децата учеа како да се смират и да шират добрина кон себе и кон другите. Тоа беше првпат за многумина да се сретнат со мајндфулнес, но навистина уживаа во искуството.

Mind & Life Institute, како донатор на овој проект, е организација која се фокусира на интегрирање на науката и контемплативните практики како начин за подобрување на благосостојбата и решавање на проблеми поврзани со менталното здравје. Нивната поддршка е од огромна важност бидејќи тие веруваат во моќта на mindfulness и контемплативните практики да внесат позитивни промени во животот на младите.

Зошто е важно да се применат mindfulness практиките кај младите?

Во денешното време, младите се соочуваат со многу предизвици, од  школото, до социјалните и емоционалните проблеми. Mindfulness практиките им овозможуваат на младите да развијат самосвест, да ги разберат своите емоции и да се справуваат со стресот на еден здрав и конструктивен начин. Преку овие техники, тие учат да останат присутни во моментот, да ги регулираат своите реакции и да создаваат баланс помеѓу своите мисли и чувства.

Што добиваат младите од mindfulness практиките:

1. Подобра самосвест и емоционална регулација: Младите ќе научат да ги препознаваат и разбираат своите емоции, што ќе им помогне да реагираат поумерено во стресни ситуации.
2. Намалување на стресот: Преку редовни практики за внимателно дишење и медитација, учениците ќе можат да го намалат стресот и анксиозноста.
3. Подобрување на концентрацијата: Mindfulness ги учи децата како да се фокусираат на моментот и да го подобрат своето внимание, што е корисно за училишните обврски.
4. Зголемена емпатија и добрина: Преку практики на љубовна добрина (loving-kindness meditation), младите учат да развиваат емпатија и добрина кон себе и кон другите.
5. Подобрување на општото ментално здравје: Mindfulness има долгорочни позитивни ефекти врз менталното здравје, намалувајќи ги симптомите на депресија и анксиозност кај младите.

Преку HEALthyME, учениците во Македонија ќе добијат можност да научат техники кои не само што ќе им помогнат да се справат со предизвиците на училиште, туку и да станат посамосвесни и посреќни во секојдневниот живот. Голема благодарност до директорката и наставниците  што ни помогнаа во реализацијата на оваа сесија и што покажаа огромна поддршка за проектот. Без нив, оваа активност немаше да биде толку успешна.

Се радуваме на следната сесија и на сите прекрасни моменти што нè очекуваат со овие млади умови!

Билјана Пешева

Суна Хелти Лајф