Усвојување на вештини за успорување и смирување “SLOW DOWN- CALM DOWN”

Успорувачка, смирувачка и енергизирачка обука наменета за професионалци, бизнис лидери и динамични личности

Имате ли потреба да го успорите темпото? Да одморите?  Да се наспиете?

Повеќето од нас работат во брза и динамична средина,  средина која носи во себе огромен стрес и напнатост.  Како резултат на тоа, прекумерната работа, исцрпеноста на ментален и физички план – некогаш и на емотивен, може да се случи да одите без воља воља и ентузијазам на работа и уште поважно да неумете да се одморите навечер бидејќи не знаете како да се исклучите од случувањата низ кои поминувате на личен или професионален план.

Едно од решенијата е да го намалите обелмот на работа, но Еј, повеќето од нас неможат да влијаат врз тоа! Идеалната ситуација за секој еден од нас би била да ги постигнеме сопствените лични и професионални цели без да мораме да правиме компромиси за нашата лична и професионална благосостојба.

Затоа оваа обука вредна за учество. На обуката  ќе можете да ги идентификувате личните стресни фактори, да примените техники за нивно справување или намалување, како и да  усвоите нови вештини и способности за справување со напнатост и умор, но и ќе научите како  да го интегрирате ново стекнатото знаење во вашиот секојдневен живот. Со сето тоа вие ќе ја вратите вашата ментална острина, ќе успеете да го започнете денот со поголема енергија и радост а ноќта да ја преспиете во мир и одмор.

Методи на обуката

Техники за дишење: На обуката ќе научите техника на дишење за ублажување на длабоко вкоренетиот стрес,  намалување на заморот и можност за појава на синдромот burn out од работа, со што ќе влиаете врз подобрување на вашата лична благосостојба, зголемување на оптимизмот, зајакнување на менталниот фокус и ќе ја подигнете  имунолошката функција на организмот.

Креативна визуелизација: Оваа единствена техника за опуштање и визуелизирање, специјално развиена за да се практикува со луѓе и кои немаат предходно искуство во тоа, помага да се смири болката и вознемиреноста во умот и дава способност и моќ да се исклучите по своја своја воља внатрешно вознемирувачки ситуации.  Оваа техника ќе ве однесе кон состојба во која вашиот ум ќе научи да се релаксира и да биде буден истовремено, со што се постигнува чувството на проток на енергијата, опуштање и одмор.

Тишина: За време на обуката ќе имаме сесии во кои ќе правиме интроспекција, која заедно со техниките за дишење и медитациите, резултира со длабока детоксикација и ќе му овозможи на вашиот  ум да се опушти целосно, истовремено оставајќи можност да се изрази  автентично и да се приклучи на внатрешниот извор на креативност и радост.

Јога: Ќе практикуваме едноставни и ефикасни техники на истегнување и опуштање на телото кои што можат ќе можат да се направат дури и додека седите на обуката, преку кои ќе си овозможите да го почуствувате своето тело неговата флексибилност и  внатрешните граници.

Само-анализа: На обуката ќе примениме научно дизајнирана алакта за проверка на личноста, ќе усвоите поголемо разбирање за интраперсоналната комуникација која влијае врз  работата на вашиот Ум и законите на умот ќе ви овозможи подобро да се запознаете себе си и другите.

Придобивки од посета на оваа обука

Ефективност: Длабоко чувство на релаксација и одмор, што помага да се зголеми ефикасноста и продуктивноста покасно на работа.

Среќа: Зголемување на свесноста за личното здравје и благосостојбата (wellness).

Фокус: Усвојување на техники за смирување и центрирање на умот и личниот фокус а во исто време воспоставување на активна и будна состојба на умот (FLOW).

Способност да се исклучите: Усвојување на вештини за оставање на стресот и напнатоста на работа и не носење дома , и обратно. Способност да спиете подобро ноќе.

Одржливо однесување: Ќе научите како самостојно да ги користите техниките на работа и  дома а со тоа добивате систем на одржливо однесување кое може да ви стане камен темелник на почетокот на грижата за себе.