Билјана Пешева

Автор,Тренер, Јога инструктор, Wellness coach

Билјана Пешева е национално квалификуван обучувач за возрасни според законот за образование во Република Македонија, проучувач на психолошкиот правец трансакциска анализа со поминато едукација во земјата и странство со повеќе од 600 работни часа, тренер за меки вештини и развивање на интелектуални и интерпесонални вештини во организациите, Духовен практикант и трагач, Хата јога инструктор, Тренер за сеопфатна лична благосостојба (Wellness Coach) и Терапевт во Семејни Констелации, работа со Енегетско Поле и шаманизам, со повеќе од 150 работни часа.

Билјана е основач на брендот Healthy Life Skills  & Healthy Yoga  каде држи семинари, ретрити, активни одмори, обуки и часови за намалување на стресот и напнатоста, употребувајќи сеопфатен (холистички) пристап во работата со индивидуалците и организациите. Автор на книгата “Водич за ослободување од тага” – Холистички алатки за враќање на животна хармонија.

Автор и креатор на програмите: “Свесно здравје”, “Создади нова слика за себе”, ”Движи се со леснотија”, “Научи како да ја зголемиш својата самодоверба”, “Ослободување од потиснати емоции”, “Циклус спиритуални работилници”, “Mентално и емотивно исцелување”,“Научи како да постигнеш своја цел” и редовно води  предизвици за ментално и емотивно созревање и трансформирање на социјалните мрежи.

Билјана повеќе од 30 години е практикант и проучувач на повеќе психолошки правци, класична јога, медитација и техники за дишење. Таа била дел од неколку големи духовни организации во земјата каде водела проекти, задачи, хуманитарни настани  со цел имплементација на човековите вредности и мајнфулнес во пракса.

Тргнувајќи од нејзината ментална и емотивна чистота и јаснотија таа е целосно насочена кон помаѓање и подршка на луѓето кои се чувствуваат заглавени во животот и им е потребно потик и подршка за да направат своја лична трансформација.

Билјана е дипломиран економист на Економски Факултет во Скопје и со стекнато доквалификација за педагодија и методологија на Филозофски факултет во Скопје, и магистратура на Економскиот Факултет во Скопје област Маркетинг. Во своето професионално работно искуство има работено во работни организации во развивање и реализација на проекти за одржлив развој и психо-социјални проекти, додека последните 23 години професионално работи на развој на современи технологии од област самоуслужни продукти и канали.

Област на експертиза

– Развој на  интелектуални и интерперсонални вештини
– Физичко и ментално здравје преку модерни и древни техники за совладување на стрес и напнатост
– Емотивно здравје преку развој на вештини за ослободување од потиснати емоции според светски познати психолошки методи
– Сеопфатен личен и професионален развој и благосостојба (Wellness approach)
– Развој на претприемаштво и развој на бизнис идеи
– Маркетинг и промоција

Во нејзиниот приватен живот таа е мајка на две деца и едно куче, сака планинарење и природа.