СУНА Хелти Лајф

Здружението за развој на човечки, демократски и економски вредности СУНА Хелти Лајф – Скопје е непрофитна, невладина организација регистрирана според државните регулативи во Република Северна Македонија во Февруари 2000 година .

НАШАТА МИСИЈА е создавање на општество во Македонија, и пошироко, каде што луѓето можат да ги разбудат своите човечки потенцијали преку систематско и интегрирано образование и практики.

НАШАТА ВИЗИЈА е подобрување на личниот и професионалниот живот на поединците и општеството во целина.

НАШАТА ЦЕЛ е обезбедување континуирана едукација и практики за поединци, како во граѓанскиот, така и во приватниот сектор, кои имаат интерес за стекнување нови знаења и развивање на интер и интра персонални вештини.

Ова го постигнуваме преку организирање на советодавни образовни дејности во делот на развој, водење и организација на едукативни и консултативни семинари, конференции, ретрити, работилници, часови, насочени кон подобрување на психофизичката состојба кај човекот, водење на здрав живот, подобрување на интерперсоналните и интелектуалните вештини. Потоа работиме на подобрување на квалитетот на животот и зголемување на свесноста за човечки вредности и потребата од дополнителна заштита на здравјето. Исто така нудиме психофизичка рехабилитација преку вежби за телото, техники за дишење и релаксација, игра, тим билдинг, издавање на свои публикации  и други техники за подобрување на креативноста.