Тагата – Учителка на Животот

Пред повеќе од 200 гости, во пријатна и инспиративна атмосфера, на 27 Ноември 2024 во Јавна Соба, се одржа промоцијата на книгата „Водич за ослободување од тага – Холистички алатки за враќање на животна хармонија“ од авторот Билјана Пешева. Настанот, беше исполнет со богата програма, многу емоции и топли насмевки.

Богата програма со врвни изведувачи и гости

Промоцијата започна со магичниот настап на женскиот хор „Фрида Македонија“, под водство на Сузана Турунџиева, кои со изборот на песната допреа до срцата на присутните. Програмата продолжи со интерактивна дискусија на која, покрај авторката Билјана Пешева, говореа истакнати гости Ана Василевска, која го напиша предговорот за книгата, Бојана Стоименовиќ Петровска, истакнат психолог, семеен и системски советник и Славчо Дрндаровски, хомеопат и доктор по природна медицина. Секој од нив сподели уникатни размислувања за значењето на емоциите, справувањето со тагата и улогата на книгата во процесот на исцелување.

Впечаток остави настапот на младата композиторка Илинка Скаловска, која со својата музика внесе дополнителна длабочина и инспирација на вечерта.

По завршување на програмата, гостите имаа можност да добијат персонализирани пораки и потписи од авторката Билјана Пешева, што создаде интимна и посебна реалација меѓу читателите и делото.

На промоцијата, авторката Билјана Пешева сподели своето инспиративно размислување за тагата и процесот на пишување:

„Тагата не е само емоција, таа е процес кој бара нашето внимание и грижа. Преку оваа книга сакав да покажам дека тагата може да биде и наш сојузник, водич кој ќе нè поттикне да најдеме внатрешна сила и да изградиме нова перспектива за животот.“

Таа додаде дека книгата е наменета за сите кои се соочуваат со потиснати емоции, траума или загуба, но и за оние кои сакаат да научат како да го разберат и подобрат своето ментално и емоционално здравје.

За книгата и нејзината содржина

„Водич за ослободување од тага“ е дело кое нуди холистички пристап за справување со тагата, комбинирајќи техники од духовни практики и современа психологија. Во книгата ќе најдете:

Практични вежби за свесно дишење и медитација.
Задачи за рефлексија и ослободување од потиснати чувства.
Совети за воспоставување здрави релации и социјална поддршка.
Техники за надминување на негативните емоции и враќање на животната хармонија.

Книгата е наменета за сите кои бараат начин да се справат со емоционалната болка и да пронајдат внатрешен мир.

Каде може да се најде книгата?

Книгата е достапна за купување во книжарницата Или-Или и преку оваа веб страна на следниот ЛИНК

Посебна благодарност

Билјана Пешева упати посебна благодарност до Тримекс ДООЕЛ и Витамини МК, кои го поддржаа овој значаен настан, придонесувајќи за неговата реализација.

Промоцијата на книгата „Водич за ослободување од тага“ ја потврди нејзината важност како водич за сите кои сакаат да се соочат со емоционалните предизвици на животот и да пронајдат пат