Кога ќе стигнеш до врвот на планина, продолжи да се качуваш – Јога активен одмор во Пониква

Во услови кога нашето темпо на живот станува сè побурно, а времето за себе сè поретко и поретко, потребно е да препознаеме кога треба да застанеме и да се одмориме. Верувам дека секој еден од нас чувствува потреба да ги наполни своите батерии, да научи да живее во моментот или едноставно да оди негде и го извади целиот стрес кој го има наталожено во себе.

Основа на целата потрага е да го најдеме внатрешниот баланс. А Јогата го прави токму тоа , ги спојува умот и и телото во траен баланс.

Токму затоа сметам дека вежбањето на јога во планина допринесува да се врати балансот на физичкото, менталното и емотивното тело.

Од физички план, кога вежбаме јога на повисока надморска висина, (на пример Пониква е на 1.560 надморска висина), се овозможува на телото и на мозокот многу повеќе кислород, потоа се стимулира кадрио-васкуларниот систем (бидејќи пешачевме, барајќи ги скриените знаци и пораки низ забавна игра) и ги наполнивме нашите “батерии” со жива чиста енергија или прана која ја имаше во воздухот.

Во програмата практикувавме асани (јога вежби), техники за дишење и медитација, па целото физико тело особено зглобовите и рбетниот столб стана по флексибилни, мускулите се зајакнаа и се разбира потрошивме по некоја калорија повеќе, со целото тоа трчање низ планината во играта “Потрага по знаците на патот”.

Платон кажал: „Не смееме да бараме да го лекуваме телото, без да побараме да ја излечиме душата“.

Па, комбинацијата на различни вежби , јогински и интерактивни кои ги правевме заедно со целиот тим од БК Балканец од Штип, влијаеше врз подигнување на енергијата, хормоните и радоста.

Да знаете само како се смеевме на сите вечерни работилници !

Една тибетанска поговорка вели: „Кога ќе стигнеш до врвот на планина, продолжи да се качуваш“ и сигурна сум дека  сите љубители на здравиот начин на живот и природата се сложуваат со тоа.

Јога активен одмор Пониква 26-28 Август 2022