logo

Јога вежби со стап и медитација во природа

Многу луѓе мислат дека истегнувањето е само за оние кои вежбаат, но во суштина истегнувањето е потребно на сите, без разлика дали и колку се физички активни. Тоа е потребно за да ја одржиме мобилноста на нашиот мускуло-скелетен систем. Едноставно истегнувањето треба да биде секојдневна рутина за секој еден од нас и доволно е некогаш само петнаесетина минути наутро или навечер да направите за да си ја подгнете енергијата на своето тело и ум.

Редовно вежбање на јога вежби со стап носи три бенефити за нас:

Енергетски бенефит. Вежбањето со стап ја подобрува работата на енергетското тело, се подобрува циркулацијата а со тоа помагаме на животната исцелителна енергија или прана да тече непречено и ги храни и исцелува сите клетки и ќелии од нашето тело.
Бенефит за физичко тело или за мускулно-скелетниот систем. Преку редовно вежбање на вежби со стап се корегираат вратните и торакалните мускули, со што се подобрува функцијата на гастоиндигесталниот и кардиоваскуларниот систем, но и се подобрува работата на екстремитетите (нозете и рацете). Друг бенефит на вежбите со стап е што може да се вежбаат за различни групи на мускули, брзо или споро во зависност од возраста на практикантот.
Бенефит односно корекција на рбетниот столб. Рбетен столб е од суштествена важност за нашето физичко и енергетско тело. Од неговата поставеност (исправеност) зависи циркулацијата на крвта. Преголемото седење пред компјутер, ТВ или мобилен ги вкочанува вратните пршлени или/и го искривува рбетниот столб, кое на долг рок може да донесе вртоглавици, главоболки и други болни симтоми. Зголемување на циркулација на крвта низ целото тело, а особено низ рбетниот столб ја подобрува целокупната ваша ментална, емотивна и физичка состојба.

————————

Затоа Ве покануваме во сабота на 28 Мај 2022 да дојдете на час во природа , на јога час со лесни и средно тешки јога вежби со истегнување со стап, проследено со  долга и убава медитација на зајдисонце.

На часот ќе  располагаме со дваесетина стапови со должина од 1,5 метар, повеќе стапови од 1 метар  па ако немате ваш стап можете да го користете нашиот. Доколку имате стап за вежбање кој е подолг од 1 метар, пожелно е да го земете со себе.

Дата:  28 Мај (сабота) 2022 од 17.30. час до 20.00 час во Куќата со Лавовите

Местото на одржување е во целосно урбанизиран дел од с.Долно Соње, лесно пристаплив со кола или автобус (58 ца). Ќе работиме во природа. Понесете си: ваш jога мат (простирка), нешто топло за навечер, нешто за прскање против мушички, и ваше добро расположение.

Часот ќе го води Билјана Пешева, јога инструктор во Healthy YOGA

Партиципација за оваа средба е 300 мкд Уплатата може да ја извршите електронски на жиро сметка на СУНА Хелти Лајф Скопје 300000000379694

НАПОМЕНА:  За практикатните на редовните Мај-ски ЈОГА часови кои се одвиваат онлајн преку платформата Zoom  секој вторник и четврток  овој час е бесплатен.

Контакт healthyyogaskopje@gmail.com или вибер 070.234.740

Layer 1