Currently Empty: 0mkd
Blog
Татковиот благослов – енергијата која нè турка напред
Овој викенд, во декемврискиот циклус на Клубот „"The Path of the Soul", реализирaвме новогодишна завршна работилница – работевме со ритуали и вежби за добивање благослов од Таткото, поставивме лични цели за новата година и енергетски ја затворивме старата година, заедно со сите циклуси што требаше да бидат затворени.
Работилницата беше посетена од 30 жени кои храбро и искрено поминаа низ сите вежби и медитација, добија длабоки увиди за себе и својот живот, и го „посадија семето“ за својот напредок за 2026 година и годините понатаму. Од срце им благодариме на сите. ❤️
Татковиот благослов – скриената сила што нè внесува во светот
Во нашата психа носиме една внатрешна слика за Таткото. Најчесто, таа слика е обликувана според искуството што сме го имале со Таткото – таткото на нашето физичко тело. Но нашата психа исто така чува и други слики за Таткото – оние создадени од архетипот на Таткото и/или преземени од важни машки фигури во нашиот живот во детството.
Архетипските слики ги препознаваме во старите приказни: митовите, легендите и бајките.
Сликата за Таткото изгледа како универзален мотив; таа постои во многу различни култури ширум светот.
Сакале или не – оваа внатрешна слика за Таткото влијае многу повеќе отколку што сфаќаме или што би посакале. Таа го обликува нашиот пристап до машката енергија, а со тоа и начинот на кој одиме низ светот:
– како донесуваме одлуки
– како поставуваме граници
– како се движиме кон своите цели
– како ја носиме својата лична сила
Здрава машка енергија – предуслов за остварување на целите
Без здрав и правилен пристап до оваа енергија, ние пропуштаме некои суштински квалитети, како што се:
-
способност да донесуваме одлуки
-
преземање одговорност
-
животна сила и виталност
-
поставување цели и задржување фокус
-
поставување здрави граници
-
autonomy
-
логично и рационално размислување
-
независност
Овие квалитети ни помагаат да ја оствариме својата цел и ни овозможуваат да го следиме сопствениот пат со јасност и насоченост.
За жените, пристапот до татковата енергија е особено важен – тоа е енергијата што го буди внатрешниот „компас“, оној дел во нас што знае каде оди, што сака и не се плаши да чекори напред.
Кога жената е поврзана со здравиот аспект на Таткото во себе, нејзините цели стануваат појасни, нејзините чекори постабилни, а нејзината насока – поцврста и посигурна.
На енергетско ниво, Таткото е оној што нè води кон светот, кон акција, кон постигнување.
Во констелациите велиме:
“Мајката ни го дава животот. Таткото ни го дава патот”
Архетипот на Таткото во старите приказни
Позитивниот аспект на татковиот принцип претставува:
закон, ред, правда, дисциплина, рационалност, разбирање, инспирација и авторитет кој служи за заштита.
Овие квалитети се прикажани преку ликовите во приказните кои се добри: заштитнички кралеви, херои, пожарникари, исцелители и водачи.
Позитивниот Татко е зрелата машка енергија – фигура што води, штити и се грижи без да ја наруши автономијата на оние околу себе.
Негативниот или татко кој доаѓа од нашата “сенка” се појавува кога грижата, водството или заштитата се претвораат во злоупотреба на авторитетот: ригидност, прекумерна контрола, ладно дистанцирање.
Кога таткото недостасува
Во мојата констелациска работа, гледам дека многу често се повторува истата приказна :
Таткото е исклучен од системот а со тоа животната сила што движи напред (кон брак, дете, проекти, цели..) е прекината.
За да го заземете своето место во светот, потребно е внатрешно да го прифатите (својот) татко – независно каков удар судбината, преку него ви нанел.
Во оние фамилии каде што има неприфаќање се случува :
Зависност
Кога го одбиваме нашиот татко, одбиваме и дел од самите себе.
Тогаш не чувствуваме дека имаме право на љубов, успех или исполнетост. Во нас се создава внатрешна празнина што ќе се обидеме да ја пополниме со нешто однадвор.
Берт Хелингер, преку илјадници констелации, забележал дека зависностите (алкохол, коцкање, секс, храна, дроги и сл.) се најчесто поврзани со недостасување на таткото.
Како да се обидува зависникот да ја пополни празнината од таткото — преку зависноста
Берт Хелингер:
„Зависностите го имаат лицето на Таткото.“
Култура на гуру
Друг симптом на недостатокот на татковата сила е трагањето по него во религијата, духовноста, учителите, лидерите, мајсторите и гуруата.
Возрасниот човек, наместо да се потпира на сопствениот внатрешен авторитет, несвесно бара „татко“ што ќе го води и ќе го заштитува.
На долг рок ова ја замаглува способноста за јасно согледување, ја ослабува интуицијата и некогаш води до погрешни избори, гуруа или ментори.
Лојалност кон мајката
Кога се раѓаме, ние го гледаме светот преку очите на најважната личност за нас – мајката. Како што растеме, ако останеме во таа состојба, ние несвесно го гледаме својот татко преку „нејзините очи“. Ако мајката е незадоволна од односот со таткото на твоето физичко тело, ако го одбива сопругот, децата несвесно ја преземаат нејзината слика и исто така го одбиваат таткото.
Тоа прави проблем кај момчињата:
– се јавува неможност да се поврзат со жена
– тешкотии да создадат свое семејство
– немаат пристап до машката енергија
– не умеат да бидат независни
Кај девојчињата:
– ги гледаат мажите низ истата призма како мајката
– го повторуваат мајчиниот модел во партнерствата
– парадоксално, бараат „татко“ во секој маж околу себе
– тешко созреваат и стануваат вистински независни
Кога женската и машката енергија се во дисбаланс, многу работи околу нас не функционираат.
За рамнотежа ни требаат две сили – и мајката, и таткото.
Потребно е внатрешно да го прифатиме таткото за да го живееме животот во целост.
Ритуалите во Системски Консталации со шамански пристап
Понекогаш е навистина тешко внатрешно целосно да го прифатиме својот татко.
Но, со помош на позитивните архетипски слики на Таткото, и Животот – можеме да почнеме да ги лекуваме “раните” кои сме ги добиле кога сме биле мали од нашито Татко – таткото на нашето физичко тело, и така да стекнеме поголем пристап до здравите машки квалитети.
Ритуалите во семејни констеалции кои јас ги работам, нудат можност за исцелување на на Таткото со што добиваме пристап до машката енергија – барем за извесно време – што само по себе почнува да лекува.
И тука има уште една вистина:
Ако таткото не можел да ни го даде благословот — ние самите (преку ритуалите во семејните констелации) можеме да го земаме од Животот.
Од силата што дошла пред него.
Од нашите предци.
Од самиот извор на постоење.
Така го затвораме во себе кругот на постојано барање.
Се ослободуваме од очекувањето „друг“ да ни даде нешто што немал капацитет да го даде.
И го враќаме благословот таму каде што отсекогаш требало да биде — во нашата душа и срце.
Овој ритуал е особено корисен кога односот со таткото на вашето физичко тело бил исполнет со трауми – насилство, злоупотреба или емоционална отсутност.
„Ти благодарам тато, што ми ја даде храброста да ги следам моите соништа, силата да се соочам со предизвиците, гласот да поставам граници, јасноста да разликувам и довербата да успеам.“
— Марина Толедо
И така, додека ги лечиме раните од Таткото и го враќаме неговиот благослов во нашите животи, ние тивко, но сигурно го враќаме и својот пат. Овој круг на исцелување што го започнавме на крајот на 2025 година, ќе продолжи да нè носи и во 2026… и уште подалеку.
Love and light to all
Biljana Pesheva 
Автор, тренер, јога инструктор и терапевт во семејни констелации, со над 25 години искуство во личен развој, ментално здравје и холистички практики.
———————-
For The Path of the Soul Club – прочитајте повеќе HERE
For Jануарските спиритуални работилници прочитај повеке HERE
Користена литература:
https://corecounselling.ca/the-archetypal-father/
http://www.denisegrobbelaar.com/blog/the-father-archetype
https://familyconstellationvirtual.com/fathers-love/
https://www.constellations.work/and-once-more-about-fathers/
https://www.continued.com/early-childhood-education/ask-the-experts/what-three-primary-roles-father-23462
https://www.hellingerinstitute.com/healing-the-father-wound-for-personal-and-professional-fulfillment/
