✨Силата што нè движи: Моја лична ретроспектива на 2025

Иако по природа сум многу подвижна, динамична и секогаш „во движење“, како и сите други — и јас понекогаш стагнирам. Се заплеткувам во мисли, во ситуации, во моменти што ми ја одземаат силата, фокусот и насоката.

Но сепак… знам дека нешто во мене секогаш ме турка напред.

Верувам дека тоа „нешто“ е  внатрешната мудрост, местото каде што лежи вистинската смисла на нашето постоење.
Јас ја пронајдов и ја чувствувам секој ден во работата со сите вас, прекрасни луѓе кои минувате низ моите активности.

Тие што ме знаат, знаат дека сум полна со идеи. Но она што најмногу ме радува последниве години е што полека — една по една — почнувам да ги реализирам. Има уште многу, секако… но сè во свое време.

И за сето тоа — како и за личниот и семејниот живот — потребни се фокус и храброст.
Храброст понекогаш да пресечеш. Понекогаш да кажеш „не“. Понекогаш да не бегаш туку да погледнеш во себе.

И она што сфатив годинава е дека понекогаш е доволен само еден одлучен удар — момент кога пресекуваш, кога добиваш јасност, кога телото и срцето ти велат „ова е вистинскиот правец“.
Во тие мигови — а верувам дека секој од вас ги почувствувал — ја чувствуваш својата вистинска сила и го враќаш сопствениот пат назад во своите раце.

Уште нешто открив годинава – дека силата нема пол.
Таа не е ниту „машка“, ниту „женска“.
Таа е едноставно — Сила.

Чиста, силна, внатрешна енергија што сите ја носиме во себе, но често е затрупана под слоеви од несвесни одлуки, стари мисли, потиснати чувства и модели што не се веќе наши.

Силата нема пол — таа му припаѓа на човекот.
На неговата свесност.
На моментот кога се буди.
На изборот да погледне внатре и да го тргне она што ја покрива.

И годинава… направив многу такви удари.
Толку многу, што и оваа ретроспектива ми е потребна на мене самата — да видам што сум создала, водела, изградена, завршила.

Да видам колку оваа година ме мрднала, ме обликувала и ме научила.
И дека силата што ја давам надвор кон сите вас — всушност најмногу ме гради внатре.

Во овој текст ќе се задржам само на тоа што го создавав преку мојата Healthy заедница.
Личните одлуки и личните удари ќе ги оставам за некоја друга прилика 🙂.

Целата 2025 година ја чувствувам како година на големо движење — надворешно и внатрешно.

Година во која внатрешната сила ме носеше таму каде што треба да бидам: во моите програми, во мојата заедница, во мојот личен раст… и низ сите предизвици што ми се случија.

Овој текст е моето резиме — мала ретроспектива за тоа што создадов, што споделив, што водев, и каде сè ме одведе мојата посветеност во изминатата година.

✨ Јануари: духовни почетоци и нови движења

Годината ја започнав традиционално, со The January Spiritual Workshops, кои ги следеа повеќе од 100 учесници онлајн.
Овие работилници секогаш се мојот најчист почеток – место каде што заедно допираме до внатрешната сила, до архетиповите, до духовните структури што нè водат низ годината.

Во истиот месец ја имав и промоцијата на мојата книга „Водич за ослободување од тага“ во Куманово, а во април – промоцијата во Битола, посетена од над 40 прекрасни луѓе.

✨ 2025 за мене беше година исполнета со длабочина и трансформации поради  семејните констелации кои продолжувам да ги учам и да се надградувам. Во текот на годината водев вкупно 15 длабоки групни процеси: 10 работилници за семејни констелации со шамански пристап + 5 работилници во Клубот „Патот на Душата“

Cемејнитe констелации ги работам по методологијата на Bert Hellinger и мојот учитал Andrei Karimov и ги збогатувам со сознанијата од сибирските шамани, кои работат со енергетски движења, а не со тревки; Клубот „Патот на Душата“ сум посветена на развој на  автентичноста, спонтаност и интимноста преку алатките на Трансакциската анализа, Скулптурирање во психотерапија на Вирџинија Сартр и се разбира Семејните Констелации на Берт Хелингер.

Во овие групи работев на тоа секој учесник да го препознае својот внатрешен простор, своите цели, динамиките во односите и својата вистинска позиција во животот — она место од кое започнува личната слобода. Секоја група броеше по 15–20 учесници, што значи дека низ овие процеси во текот на годината поминаа 100+ луѓе, секој со своја приказна, својата храброст и свој чекор кон својата трансформација.

Корпоративен Wellness тренинг ново искуство и нови пријателства

Оваа година имав чест да одржам еднодневен корпоративен Wellness тренинг за една компанија, настан кој помина исклучително успешно и ми донесе многу радост.  Освен самата едукативна работа, таму стекнав и многу нови пријатели, прекрасни луѓе со кои се поврзав преку темите на ментално здравје, баланс и свесно живеење.

Ова искуство ми беше уште една потврда дека wellness пристапот може да внесе светлина и во корпоративната средина — и дека луѓето навистина копнеат по простор каде што можат да здивнат, да се освестат и да се поврзат со себе.

✨ Масовни бесплатни онлајн програми што ја допреа заедницата 

Јануари и Ноември: 5-дневни онлајн предавања и вежби за ментален и емотивен детокс – предизвик следен од над 500 participants онлајн во вкупно 10 дена онлајн активности.

✨ Февруари, Јули и Ноември: семинари за ментално и емотивно балансирање

Три големи семинари со техниките на Phyllis Crystal и техники од мојата книга – секој следен од над 40 луѓе.
Длабока работа со лични симболи, енергетски врски и ослободување што трае со месеци.

✨ Два големи јога ретрити

• Јуни – Active Yoga Retreat во Ќерет
• Септември – Active Yoga Retreat во Никити, со околу 80 учесници

Движење, море, тишина, дишење со мојата Хелти заедница.
Две места каде што повторно ја почувствував силата на групната енергија и моќта на телото што се движи.

✨ Јога часови – 8 месеци континуитет

Онлајн и во сала – со над 50 месечни учесници.
Дополнително, утринските јога ритуали во јуни и јули беа вистински бисер, со над 100 учесници што практикуваа секое утро онлајн јога со мене.

✨ Wellness Afterwork: нова култура во градот

Вебинар + Afterwork сесија посветена на здравјето и балансирањето – посетена од 30 луѓе.
Мој личен обид да внесам нова култура – грижа за себе пред да „пукнеме“.

✨ „Космичната Мајка“ и „Новата Година почнува со благослов“

Две еднодневни работилници со констелациска методологија – со над 100 учесници, кои заедно го поставија темелот за нов циклус.

✨ Поглед кон 2026 (секогаш можеш да погледнеш што наредно сум подготвила на овој LINK)

Во јануари 2026 го започнувам четвртиот циклус на The January Spiritual Workshops.
Со истата љубов, иста посветеност — но со уште поголема јасност.
И со уште посилна вера во движењето.

✨ И сега, искрено: 2026 ја посветувам и на себе

Ова беа дел од моите активности.
Не ги наведувам сите семинари што јас лично ги посетив…
ни времето потрошено на сопствениот раст…
ни вложувањето во мојата духовна едукација.

2026 ќе ми биде година во која ќе создадам нови можности за себе — но и ќе најдам време повеќе да се одморам.
Ќе биде година во која ќе водам — но и ќе се повлечам.
Година во која ќе давам — но и ќе примам.

2026 нека биде година за мене.
Година на свесни избори.
Година на зајакнување на внатрешната сила и мудрост.

Благодарна сум за се што се случи во 2025. И добро и лошо.
И подготвена — многу подготвена — за новото поглавје што доаѓа. ✨💛

Љубов и светлина за сите вас прекрасни битија

Bibi Pesheva

автор, тренер, велнер коуч, јога инструктор и терапевт во семејни констелации, со над 25 години искуство во личен развој, ментално здравје и холистички практики.

—————————————————————————

Силата нема пол — таа не е ниту машка, ниту женска. Таа му припаѓа на човекот.
И кога ќе ја препознаеш во себе… тогаш почнува животот што е навистина твој.