Иако овие делови од нас коегзистираат во нас, тие развиваат свои верувања и однесувања и понекогаш се спротивставуваат еден на друг, што доведува до неусогласенoсти и внатрешни борби кои одземаат многу енергија и не спречуваат да ги оствариме нашите замисли. Сите наши делови ни припаѓаат нам и копнеат да бидат видени и прегрнати.

На семинарот СЕМЕЈНИ КОНСТЕЛАЦИИ – Тркало на животот, ќе поставиме различни делови од нас и ќе работиме на освестување како тие се поврзани со блокадите кои стојат на патот до остварување на нашите замисли и желби.

Дојдете на овој уникатен семинар, ако:
• Се обидувате да ги решите негативните или штетните однесувања
• Сакате да одржите или развиете романтична врска
• Се обидувате да ги решите семејните конфликти
• Сакате да го надминете внатрешниот немир
• Сте доживеале голема траума или загуба
• Барате личен и/или професионален успех

Во првиот дел од семинарот ќе има воведно предавање во повеќеслојното Тркало на животот (судбината) со осврт на енергијата на жената и пристапот до енергијата на мажот, односно живот во партнерство и брак, како важно поле во секој енергетски систем.

Во вториот дел од семинарот ќе бидат поставени системите на учесниците во вид на Семејни констелации за да можат да го погледнат својот живот од друга перспектива и да се справат со она што ги спречува да воспостават здравје и внатрешен мир, да ја пронајдат љубовта на нивниот живот, да го подобрат односот со блиските, да постигнат цели во кариерата за кои мислеле дека се недостижни или други важни цели.

Семејните констелации се психотераписка техника на работа во група развиена од психотерапевтот и филозоф Берт Хелингер, во средината на седумдесеттите години на минатиот век. Тркалото на животот има за цел да создаде модел на семејниот систем за откривање на скриените обрасци кои тешко се разбираат и менуваат, како и да го трансформира што било потиснато, заборавено, или несакано да се види, било на лично или трансгенерациско ниво.
На тој начин повторно се воспоставува рамнотежа и севкупност на енергетското поле, како на индивидуалното, така и на семејното. Тоа носи олеснување и го придвижува процесот на исцелување на нивото на умот, телото и душата.

Семејните констелации трагаат во корените на проблемот и го решаваат истиот на она ниво на кое настанал. Па, ако се решите да работите некој ваш личен проблем преку Тркалото на животот ова е одлична прилика за тоа. Доволно е само да сте свесни за проблемот, да знаете на кое поле од својот живот сакате да работите и во која област сакате да напредувате.

За Предавачот

Андрей Каримов е психолог и семеен тренер, етнограф-фолклорист, етнолог, практичен психолог, автор на системите “Система Сибирски Козак” и „Родители и деца“ кои се психо-социјални модели преку кои се открива епигенетскиот систем на човечките општествени координати.
Тој е автор на методологијата „Етномузичка организација на физичко образование на предучилишна возраст“, беше награден со Златен медал на Сибирскиот саем во областа на образовните технологии, медал и комеморативен знак на М.Н. Мелников.
Во 2007 година беше објавена неговата книга „Етно музичка организација на физичко образование на предучилишна возраст“, беа снимени серија едукативни видеа на тема „Родители и деца“ и започна да води програма за обука за тренери за овој метод.
Подоцна во 2009 тој го основа меѓународното училиште за руска боречка уметност „Система Сибирски Козак“, кое до 2022 година се има раширено во 23 држави, на 5 континенти.
Во периодот меѓу 2003-2017 година е автор, сценарист и режисер на повеќе од 100 едукативни и популарни филмови за традиционална култура, боречки вештини, семејна и развојна психологија.
Филмот „Сибирски испуст“ (за работа со тинејџери) стана лауреат на серускиот филмски фестивал „Средба“ во Обнинск.
Во 2012 година го создава меѓународното училиште Empower the child – „Родители и деца“.
Од 2005 година до денес спроведува психолошко-педагошка пракса и семејно советување. Тој е практичен психолог. Семеен тренер. Води меѓународни семинари и курсеви. Психолог-консултант на приватни градинки и училишта. Специјалист за развојна психологија и семејни констелации. Автор на книгата „Педагогија на иницијација“. Оженет. Има 5 деца.
Предавачот веќе 30 години успешно работи во полето на едукација на деца и возрасни.

______________________________________________

Час: 17.00 – 21.00 часот

Mесто: Конференциска Сала ГТЦ (од страна на кеј на прв кат, веднаш до Аудио Центар Болин)

Семинарот СЕМЕЈНИ КОНСТЕЛАЦИИ ќе се одржува два дена. Во зависност од вашиот интерес може да дојдете на едниот или двата дена.

Цена за:
Учество за еден ден изнесува 1.240 мкд
Учество за двата дена изнесува 2.170 мкд
Правење на своја лична констелација и учество за еден ден изнесува 3.070 мкд
Правење на своја лична констелација и учество за двата дена изнесува 4.000 мкд
ЗА СТУДЕНТИ цените се со 20% попуст со прикажување на легитимација при влез

*Опцијата за работење на вашата лична констелација е достапна до исполнување на временската рамка.

Задолжителна пријава на следниот линк:
https://forms.gle/3XuWAPg8GCt3zQEi6

Плаќањето се врши електронски на жиро сметка: 210074215240170 при НЛБ Банка, назив: Система Сибирски Козак Скопје, цел на дознака: Семинар – [Име на учесникот]

*Постои можност за индивидуална приватна сесија исклучиво со закажување на бројот подолу

Контакт: Viber +38970267615
trkalonazhivotot@gmail.com